----------------------------
ഇരുണ്ട വെയിലത്ത്
ഒരു ബാലന്റെ ഹൃദയത്തിലേയ്ക്ക്
പോയിന്റ് ബ്ലാങ്കില്
തുളച്ചു കയറിയ
അഞ്ചു വെടിയുണ്ടകള്.
അഞ്ചു വെടിയുണ്ടകള്
... അഞ്ചു വിരലുകള്
അഞ്ചു ഭൂതങ്ങള്.
അഞ്ചു ശാപങ്ങള്
ഇടി വെട്ടിപ്പോയ കരിമ്പനയ്ക്ക് മുന്നില് നിന്ന്
എന്റെ ഗ്രാമദേവതയോട് പ്രാര്ഥിയ്ക്കുന്നു .
നിങ്ങളുടെ കുഞ്ഞുങ്ങള്ക്ക് മേല്
ഒരു കാറ്റ് വീശാതെ
മഴ പെയ്യാതെ
ഭൂമി പിളരാതെ
അഗ്നിപര്വതം വെടിയ്ക്കാതെ
ആകാശമിടിയാതെ
കാത്തു കൊള്ളേണമേ എന്ന്.
No comments:
Post a Comment